Эштан: Сітуацыя з правамі чалавека ў Беларусі працягвае дэградаваць
16- 21.03.2011, 18:01
ЕЗ запатрабаваў неадкладнага вызвалення ўсіх палітвязняў у Беларусі.
Аб гэтым заявіла сёння вярхоўны прадстаўнік ЕЗ па замежных справах і палітыцы суседства Кэтрын Эштан.
«Сітуацыя з выкананнем правоў чалавека ў Беларусі працягвае дэградаваць», - падкрэсліла яна.
Па ейных словах, ЕЗ патрабуе неадкладнага вызвалення палітычных зняволеных і спынення пераследаў прадстаўнікоў грамадзянскай супольнасці, журналістаў і студэнтаў.
ЕЗ афіцыйна узмацніў сёння рэжым санкцый у дачыненні да Беларусі, уключыўшы яшчэ 19 чыноўнікаў у спіс прадстаўнікоў беларускай дзяржавы, якім забаронены ўезд у ЕЗ і банкаўскія авуары якіх ў Еўропе падлягаюць блакаванню, перадае ПРАЙМ-ТАСС.
