Праезд у Менску даражэе да 850 рублёў

Праезд у грамадскім транспарце Менска падаражэе ў бліжэйшыя дні.

Міністэрства эканомікі ўзгадніла прапанаваныя Менгарвыканкамам новыя тарыфы на перавозку пасажыраў гарадскім транспартам агульнага карыстання, паведаміў БелТА дырэктар ДУ «Сталічны транспарт і сувязь» Валер Шкуратаў.

У прыватнасці, Мінэканомікі ўзгоднены кошт адной паездкі ў сталіцы (у аўтобусе, трамваі, тралейбусе, метро) у памеры 850 рублёў, сказаў Валер Шкуратаў. Тарыф на праезд у аўтобусах гарадскіх рэгулярных экспрэсных маршрутаў з дазволенай максімальнай масай больш за 5 тыс. кг зацверджаны ў памеры 1,3 тыс. рублёў (максімальны памер). «Усе тарыфы на праезд павялічаны на 20%», - адзначыў дырэктар прадпрыемства.

Па ягоных словах, ужо падрыхтаваны адпаведны праект рашэння Менгарвыканкама аб павышэнні кошту праезду ў грамадскім транспарце сталіцы. Пасля зацвярджэння дакумент павінен быць апублікаваны ў прэсе, з таго моманту ён і ўступіць у сілу.

Апошні раз тарыфы на перавозку пасажыраў у грамадскім транспарце Мінска павышаліся 1 сакавіка 2010 - з 600 да 700 рублёў за адну паездку