Андрэй Саннікаў пачаў знаёміцца ​​са справай

Кандыдат у прэзідэнты Андрэй Саннікаў, якога рэжым вінаваціць у арганізацыі так званых "масавых беспарадкаў", пачаў азнаямленне са сваёй крымінальнай справай.

"Сёння мы пачалі знаёміцца ​​з крымінальнай справай", - сказала адвакатка палітвязня Марына Кавалеўская. Пры гэтым яна удакладніла, што па працэдуры час на азнаямленне абвінавачванаму падаецца да месяца, перадае "Інтэрфакс Захад".

"Андрэй Алегавіч адчувае сябе здавальняюча", - сказала М. Кавалеўская.

Яна таксама ўдакладніла, што абарона яшчэ не атрымала адказу ад следства на сваё хадайніцтва аб спыненні крымінальнага пераследу ў дачыненні да Андрэя Саннікава і ягоным вызваленні.

Саннікаў абвінавачваецца па арт. 293 КК Беларусі (арганізацыя масавых беспарадкаў). Пакаранне па гэтым артыкуле прадугледжвае да 15 гадоў пазбаўлення волі.

Нагадаем, 19 снежня дзесяткі тысяч беларусаў выйшлі на мірную акцыю пратэсту супраць фальсіфікацыі вынікаў выбараў прэзідэнта. Дэманстрацыя была жорстка разагнаная спецназам, а кандыдаты ў прэзідэнты і сотні грамадзян былі арыштаваныя. Да гэтага часу ў турме КДБ застаюцца кандыдаты ў прэзідэнты Андрэй Саннікаў і Мікалай Статкевіч, а таксама дзесяткі дэмакратычных актывістаў.