Дзень салідарнасці ў Гаазе
12- 17.04.2011, 20:00
16 красавіка ў Гаазе, Нідэрланды, адбылася акцыя салідарнасці са шматлікімі беларускімі палітвязнямі, з сем'ямі гвалтоўна зніклых беларусаў, з усімі ахвярамі таталітарнага рэжыму Лукашэнкі.
Акцыя прайшла з 13:00 да 14:00 па мясцовым часе ля будынка Міжнароднага суду ў Гаазе. Удзельнікі акцыі трымалі партрэты палітычных зняволеных і гвалтоўна зніклых беларусаў і плакаты з лозунгамі "Спыніць палітычныя рэпрэсіі ў Беларусі!", "Дыктатар у Беларусі - ганьба Еўропы" і іншыя. Акцыя выклікала непадробную цікавасць шматлікіх мінакоў і турыстаў.
Мерапрыемства было ініцыяванае "Мы памятаем".
