На БелАЭС выпрабуюць новы тып рэактара?
10- 19.04.2011, 18:35
Беларусь становіцца выпрабавальным палігонам для новага тыпу ядзернага рэактара, распрацаванага ў расейскіх лабараторыях.
Пра гэта фізік, кандыдат тэхнічных навук Юрый Варонежцаў, які ў 1990-х гадах быў адказным сакратаром камісіі Вярхоўнага Савета СССР па разглядзе прычын аварыі на Чарнобыльскай АЭС і адзнацы дзеянняў службовых асоб у пасляаварыйны перыяд, заявіў 17 красавіка ў Гомелі на пасяджэнні круглага стала, прысвечанага будаўніцтву ў Беларусі АЭС, піша БелаПАН.
Варонежцаў выказаў меркаванне, што "атамны рэактар - незаконнанароджаны сын атамнай бомбы," адаптаваны "пад мірныя мэты", і нагадаў, што шкода ад аварыі на ЧАЭС за 30 гадоў, па афіцыйных дадзеных, складзе прыкладна 235 млрд. даляраў. На думку навукоўца, уласных сродкаў для будаўніцтва АЭС у Беларусі няма, а расейскі крэдыт вялікім цяжарам ляжа на плечы дзяржавы і ўцягне краіну ў яшчэ большую залежнасць ад крэдытора.
