Юрыдычнае афармленне "Еўранэст" адбудзецца без Беларусі

Юрыдычнае афармленне парламенцкай асамблеі праграмы ЕЗ "Усходняе партнёрства" ("Еўранэст") адбудзецца без прадстаўнікоў афіцыйнага Менска.

Аб гэтым заявіў 21 красавіка старшыня сталага камітэта парламента Азербайджана па прававой палітыцы і дзяржаўнаму будаўніцтву, кіраўнік парламенцкай дэлегацыі Азербайджана ў "Еўранэст" Алі Гусейнаў, перадае ІА "Регнум".

Азербайджанскі палітык паведаміў, што 3 мая ў Брусэлі адбудзецца падпісанне дакументаў па стварэнні "Еўранэст". "Наколькі я дасведчаны, пытанне аб Беларусі не прадугледжанае нават у статутных дакументах, таму што новы рэгламент змяшчае новы элемент: прысутнічаць у "Еўранэст" можа краіна, выбары ў якой адпавядаюць стандартам АБСЕ", - растлумачыў ён.