Напішы ліст у падтрымку Андрэя Саннікава!

Ала Уладзіміраўна Саннікава, маці арыштаванага кандыдата ў прэзідэнты, звярнулася да беларусаў за падтрымкай.

"Я ўдзячная ўсім за вашую падтрымку і салідарнасць, - звяртаецца Ала Уладзіміраўна да беларусаў. - Прашу ўсіх, каму не абыякавы лёс Андрэя Саннікава, выслаць пісьмовае хадайніцтва з просьбай спыніць судовы пераслед Андрэя Алегавіча".

Хадайніцтва трэба накіраваць экспрэс-поштай па адрасе: Менск, Галоўпаштамт, абаненцкая скрыня 302, Саннікавай А.У.

Рэдакцыя charter97.org просіць нашых наведвальнікаў і прыхільнікаў - давайце разам выкажам салідарнасць, падтрымаем нашага лідэра ў гэты складаны перыяд у гісторыі нашай краіны!

Нагадаем, так званы працэс над кандыдатам у прэзідэнты Андрэем Саннікавым пачнецца 27 красавіка ў судзе Партызанскага раёна Менска.