Лукашэнка паляцеў у Туркменістан

27 красавіка ўвечары ў Туркменістан з афіцыйным візітам прыбывае Аляксандр Лукашэнка.

"Маючыя адбыцца ў Ашхабадзе перамовы на вышэйшым узроўні закліканыя стаць чарговым дзейсным крокам на шляху далейшага ўмацавання і развіцця традыцыйна дружалюбных туркмена-беларускіх адносінаў, надаць новы імпульс практычнай рэалізацыі маштабнага патэнцыялу двухбаковага супрацоўніцтва па ўсіх яго напрамках", паведамляе прэс-служба туркменскага лідэра.

"Нашыя краіны валодаюць усім неабходным для далейшага нарошчвання поўнамаштабнага супрацоўніцтва, мэты якога адпавядаюць рэальным магчымасцям і аб'ектыўным патрэбам дзвюх дзяржаваў. І цяперашні афіцыйны візіт Прэзідэнта Рэспублікі Беларусь у Туркменістан стане новым значным крокам на шляху далейшай актывізацыі канструктыўных туркмена-беларускіх адносінаў, якія паспяхова развіваюцца як на двухбаковай, так і на шматбаковай аснове - у фармаце аўтарытэтных міжнародных арганізацый і структур, і выбудоўваць іх на прынцыпах роўнасці, здаровага прагматызму, узаемнай павагі і ўліку узаемных інтарэсаў", падкрэслілі ў прэс-службе туркменскага кіраўніка.

Нагадаем, у сакавіку бягучага года ў Ашхабадзе адбылося трэцяе пасяджэнне Міжурадавай туркмена-беларускай камісіі па эканамічным супрацоўніцтве. Удзел у ім прыняла прадстаўнічая дэлегацыя Рэспублікі Беларусь на чале з намеснікам прэм'ер-міністра краіны А. Калініным. Адным з напрамкаў супрацоўніцтва з'яўляецца рэалізацыя праекта па будаўніцтву ў Лебапскім велаяце горна-абагачальнага комплексу па вытворчасці калійных угнаенняў.