«Беларусбанк» спыніў продаж безнаяўнай валюты

З 4 красавіка найбуйнейшы камерцыйны банк краіны забараніў продаж безнаяўнай валюты.

Забарона датычыцца продажу валюты з укладавых (дэпазітных), бягучых, разліковых рахункаў у беларускіх рублях.

Такое распараджэнне прыйшло ў філіялы банка ў абласцях і Менску.

Выконваючы абавязкі старшыні праўлення банка С.П. Пісарык даручыў арганізаваць няўхільнае выкананне дадзенага рашэння і правесці «пісьменную тлумачальную працу з укладчыкамі».