Расейскі дыпламат: Мы папярэджвалі Лукашэнку

Пытанне аб прадастаўленні Беларусі крэдыту для рашэння фінансавых праблем будзе абмяркоўвацца 4 чэрвеня ў Кіеве на пасяджэнні антыкрызіснага фонду ЕўрАзЭС.

«Цалкам зразумела, што важкае і галоўнае слова будзе за Расеяй: даваць крэдыт Беларусі ці не. У сапраўдны момант Аляксандру Лукашэнку неабходна $9 мільярдаў», - сказала «Інтэрфаксу» расейская дыпламатычная крыніца ў Менску.

У гэтыя дні Менск з візітам наведвае кіраўнік МЗС РФ Сяргей Лаўроў для ўдзелу ў міністэрскім пасяджэнні АДКБ.

Як чакаецца, А. Лукашэнка прыме адразу ўсіх кіраўнікоў МЗС краін АДКБ. «У праграме не прадугледжаная сустрэча А. Лукашэнкі і С. Лаўрова тэт-а-тэт. Хутчэй за ўсё, двухбакоўкі не будзе. Асабліва, улічваючы таксама крытыку ў адрас расейскага міністра з боку А. Лукашэнкі, якая прагучала напярэдадні», - сказаў суразмоўца агенцтва.

Раней прэзідэнт Беларусі публічна заявіў, што «смяецца над заявамі» С. Лаўрова, калі той крытычна кажа аб парушэнні правоў чалавека ў Беларусі.

Крыніца таксама адзначыла, што ў выпадку рашэння аб прадастаўленні крэдыту ў дапамогу беларускай эканоміцы «асноўная частка грошай, вядома, пойдзе з Расеі, бо іншыя краіны - ўдзельніцы ЕўрАзЭС змогуць даць зусім невялікія сумы». «Але гэта ўжо будзе вырашацца на самым версе», - сказаў ён.

Крыніца адзначыла, што ў цяперашні час грамадзяне Беларусі сапраўды адчуваюць фінансавыя складанасці: заробкі знізіліся, у той час як кошты ў крамах падскочылі.

«Мы папярэджвалі А. Лукашэнку: сюды прыязджалі і прэм'ер Пуцін, і міністр фінансаў Расеі Аляксей Кудрын», - нагадаў суразмоўца агенцтва.