Лукашэнка кляўся ў любові да Расеі, Лаўроў абяцаў не ўводзіць санкцыі

Беларускі дыктатар заявіў, што не дазволіць Захаду наладзіць сябе ў шкоду адносінам з Расеяй.

Расея ніколі не займала пазіцыі, аналагічнай пазіцыі Еўразвяза, па сітуацыі з правамі чалавека ў Беларусі, заклікала толькі выконваць міжнародныя абавязальніцтвы, а гаворкі аб санкцыях не вяла, заявіў кіраўнік МЗС РФ Сяргей Лаўроў, перадае «Інтэрфакс».

«Мы Беларусь не заклікалі ні да чаго такога, чаго б не ставілі сабе ў якасці задачы. Гаворка ідзе аб выкананні міжнародных абавязальніцтваў па забеспячэнні правоў чалавека і асноўных свабод. Спробы казаць аб тым, што мы салідарызаваліся з Еўразвязам, не цалкам адлюстроўваюць рэчаіснасць. А санкцый мы ніякіх не ўводзілі і не пагражалі новымі санкцыямі, як гэта робіць ЕЗ», - заявіў кіраўнік МЗС РФ Сяргей Лаўроў журналістам па выніках візіту ў Менск.

«Пры гэтым мы працягваем негатыўна ставіцца да таго, што ўсе кандыдаты ў прэзідэнты апынуліся прысуджанымі да тых ці іншых тэрмінаў», - падкрэсліў С. Лаўроў.

Аляксандр Лукашэнка не дазволіць Захаду наладзіць сябе ў шкоду адносінам з Расеяй, заявіў кіраўнік МЗС РФ.

«Аляксандр Лукашэнка сказаў сёння, што спробы Захаду павярнуць яго ў шкоду Расеі асуджаныя на правал. Ён ніколі не будзе нічога рабіць, што можа супярэчыць нашаму брацкаму саюзу», - сказаў С. Лаўроў.