Кітайскі крэдыт - як мёртваму прыпаркі
27- 14.06.2011, 17:44
Грошы пойдуць на фінансаванне сумесных беларуска-кітайскіх праектаў.
У прыватнасці, сродкі пойдуць на будаўніцтва завода па вытворчасці сульфатнай беленай цэлюлозы ў Светлагорску. Сума гэтага крэдыту складзе больш за 650 мільёнаў даляраў.
340 мільёнаў даляраў пойдуць на рэканструкцыю аўтамабільнай дарогі Менск-Гомель. Рамантавацца будзе ўчастак Жлобін-Гомель. А яшчэ больш за 60 мільёнаў даляраў кітайцы дадуць на электрыфікацыю чыгункі ад Гомеля да Асіповічаў і ад Жлобіна да Калінкавічаў.
Эканаміст Сяргей Чалы ў каментары «Еўрарадыё» крытычна ацаніў атрыманне кітайскіх крэдытаў.
«Яны (кітайцы. - Еўрарадыё) фактычна выступаюць адначасова і падрадчыкамі па гэтых праектах. Самі крэдытуюць і самі ж выконваюць працу. Гэта значыць кітайскі крэдыт ад «Эксімбанка» ідзе на аплату працы кітайскага субпадрадчыка. Яны такім чынам стымулююць экспарт сваіх тавараў і паслуг, а мы застаемся з гэтым доўгам».
