Freedom House: Беларусь - «на мяжы» сусветнага лідэрства па рэпрэсіях

Міжнародная арганізацыя па пытаннях маніторынгу правоў чалавека Freedom House апублікавала сваю штогадовую справаздачу аб найбольш рэпрэсіўных грамадствах ў свеце.

Горшую адзнаку адносна захавання палітычных і грамадскіх правоў, атрымалі дзевяць краін, сярод якіх Лівія, КНДР, Туркменістан і Узбекістан. Асобна была адзначаная кітайская правінцыя Тыбет.

Беларусь арганізацыя ўнесла ў катэгорыю краін, якія знаходзяцца на мяжы найгоршай адзнакі. Другое месца ў спісе найбольш рэпрэсіўных рэжымаў Беларусь падзяляе з сям'ю краінамі і двума правінцыямі, сярод якіх - Куба, Кітай, Сірыя і Паўночная Асеція.