Дэпутаты Дзярждумы крытыкуюць наезд Лукашэнкі на СМІ

Выказванні беларускага дыктатара ў адрас расейскіх СМІ назвалі «некарэктнымі».

Дэпутат расейскай Дзярждумы, намеснік старшыні камісіі Парламенцкага сходу Беларусі і Расеі па інфармацыйнай палітыцы Франц Клінцэвіч лічыць несправядлівымі крытычныя выказванні Аляксандра Лукашэнкі ў адрас расейскіх СМІ ў сувязі з іх асвятленнем сітуацыі на валютным і спажывецкім рынку краіны, перадае «Інтэрфакс».

«Мусіць, гэта звязана з менталітэтам. У Беларусі не вельмі прынята весці (у СМІ - ІФ) абсалютна адкрытыя гутаркі, так як журналіст лічыць патрэбным», - сказаў дэпутат.

«У Расеі гэта - норма. Я не ведаю, чаму гэта так адзначана прэзідэнтам», - дадаў ён.

Адказваючы на ​​ўдакладняючае пытанне, «ці былі гэтыя выказванні няправільнымі, некарэктнымі», Ф. Клінцэвіч сказаў: «Думаю, што так». «Як можна сварыцца з прэсай? На тое яна і прэса, каб казаць, што хоча», - дадаў ён.

«Калі ёсць аб'ектыўныя фактары - прэса павінная выказваць сваё меркаванне», - адзначыў дэпутат. Ён дадаў, што ў выпадку паклёпу такая крытыка была б абгрунтаванай.

Адказваючы на ​​пытанне аб адносінах Беларусі і Расеі, Ф. Клінцэвіч заявіў, што не дапускае «думкі аб разрыве Беларусі і Расеі».

«Я баюся некарэктнасці асобных расейскіх палітыкаў», - адзначыў Ф. Клінцэвіч. Пры гэтым ён падкрэсліў, што пытанні, звязаныя з дарагоўляй тавараў, ёсць і ў Расеі. Рост коштаў дэпутат патлумачыў функцыянаваннем рынкавай эканомікі і залежнасці ад сусветнай кан'юнктуры.

Ф. Клінцэвіч адзначыў, што з пункту гледжання функцыянавання дзяржаўных органаў у адносінах Беларусі і Расеі «усё ў рабоце». Разам з тым, па словах дэпутата, у яго ёсць некаторыя пытанні да «першых асобаў» у сувязі з «недамоўкамі». «У мяне ёсць да іх пытанні, бо яны выносяць «недамоўкі» на абмеркаванне на бытавы ўзровень», - сказаў ён.