На заводзе Кірава з-за даўгоў адключылі электрычнасць

З раніцы 8 чэрвеня на гадзіну знікла святло ў кабінетах адміністрацыі завода.

У «Журнале экспедитора и перевозчика», які знаходзіцца ў адным будынку з заводам, кажуць, што электрычнасць з'явілася бліжэй да абеду, перадае «Еўрарадыё».

Па словах супрацоўніцы часопіса, напярэдадні іх папярэджвалі, што на заводзе могуць адключыць электрычнасць па прычыне запазычанасці.

Адключэнне электрычнасці пацвердзілі і ў адным з аддзелаў завода.

«У кабінетах святло ёсць, на вытворчасці няма. Сёння з раніцы не было святла на працягу гадзіны. Пасля ўключылі. Сёння кіраўніцтва вырашыла пытанне. У цэхах станкі, можа, яшчэ не ўключылі», - паведаміла супрацоўніца адміністрацыі.