«Нафтан» на падсмоку

Гендырэктар ААТ «Нафтан» Уладзімір Траццякоў праз завадскую газету адказаў на надзвычай хвалюючае працоўных пытанне: «Калі будзе «трынаццаты» заробак?

Аказваецца - ніколі, піша «Народная воля».

- Так званы «трынаццаты заробак» - узнагарода па выніках працы за год - выплачваецца на падставе вынікаў працы за мінулы каляндарны год пры наяўнасці прыбытку, - паведаміў Уладзімір Траццякоў. - За 2010-ы нашае прадпрыемства прыбытку не зарабіла. Таму падставаў для выплаты няма. Зараз разглядаюцца іншыя варыянты. Магчыма, з фондаў 2011 года. Але пакуль рана казаць аб тым, што знойдзеныя рэзервы для гэтага дадатковага ўзнагароджання.

Аднак, нагадаем, першы віцэ-прэм'ер Уладзімір Сямашка нядаўна паведаміў, што пасля дэвальвацыі фінансавае становішча беларускіх НПЗ яшчэ больш пагоршылася. Так што надзеі на гэты год наўрад ці апраўдаюцца.