У Беларусі павялічаны кошт акцызаў на алкаголь і тытунь

У Беларусі павялічаны кошт акцызных марак на алкагольную і тытунёвую прадукцыю.

Дадзенае рашэнне ўтрымліваецца ў пастанове Мінэканомікі N98, перадае «Інтэрфакс Захад».

Так, згодна з пастановай, кошт акцызнай маркі для маркіроўкі алкагольных напояў павялічаны на 70% - да Br170, і на 75%, да Br70 для маркіроўкі тытунёвых вырабаў.

Як патлумачылі ў Мінэканомікі, «неабходнасць перагляду кошту названай прадукцыі абумоўленае, перш за ўсё, істотным змяненнем выдаткаў на яе вытворчасць». «Пастанова прынятая па прапанове міністэрства фінансаў», - дадалі там.

Пастанова ўступіла ў сілу 3 ліпеня.