Дагонім і перагонім Зімбабвэ: 8 000 рублёў за даляр

Курс наяўнага беларускага рубля ў адносінах да даляра на чорным рынку узяў чарговую псіхалагічную мяжу.

Штодзённы рост курсу даляра на сайце prokopovi.ch працягваецца. Па стане на чацвер курс продажу амерыканскай валюты дасягнуў 8095 рублёў. Курс пакупкі ў гэты час складае да 7814 рублёў.

Сярэдняе арыфметычнае паміж імі - 7955 рублёў. Гэта ўжо на 59% вышэй за афіцыйны курс Нацбанка, зафіксаваны на ўзроўні 5017 рублёў.

Курсы ў літоўскіх банках яшчэ больш высокія - купіць даляр за беларускія рублі можна, аддаўшы 8350 рублёў, пры продажы можна атрымаць 7100 рублёў. Тым часам курс продажу еўра на prokopovi.ch ўжо складае 11 500 рублёў.