Беларускія ВНУ павышаюць плату за навучанне

ВНУ Міністэрства адукацыі Беларусі вызначылі кошт платнага навучання для першага курсу.

ВНУ Міністэрства адукацыі Беларусі вызначылі кошт платнага навучання для першага курсу. Аб гэтым паведамілі БелТА ва ўпраўленні сацыяльна-эканамічнага развіцця Міністэрства адукацыі.

Кошт навучання для першакурснікаў дзённай формы навучання складае ад Br4 млн. у Віцебскім дзяржаўным тэхналагічным універсітэце да Br7 млн. 484 тыс. у Беларускім дзяржаўным універсітэце.

Калі казаць пра вядучыя ВНУ краіны, то ў БДУ кошт платнага навучання для першакурснікаў вызначана ў памеры ад Br5 млн. 385 тыс. да Br7 млн. 484 тыс., БНТУ - ад Br6 млн. 186 тыс. да Br6 млн. 428 тыс. У некаторых ВНУ кошт навучання ўсталяваны аднолькавам для ўсіх факультэтаў і спецыяльнасцяў. Напрыклад, у БДТУ - Br6 млн. 626 тыс., МДЛУ - Br5 млн.12 тыс., Магілёўскім дзяржаўным педагагічным універсітэце ім. А. Куляшова - Br4 млн.450 тыс. А вось у БДУІР мінімальны і максімальны кошты адрозніваюцца ў Br600 тыс. - ад Br5 млн. 400 тыс. да Br6 млн., у БДЭУ розніца складае менш за Br200 тыс. - ад Br4 млн. 830 тыс. да Br5 млн. 27 тыс.

Па аплаце за 2-5-я курсы ВНУ, падпарадкаваныя Міністэрству адукацыі, падвысілі кошты не больш чым на 20%. «Пытанні коштаўтварэння платнага навучання ў ВНУ дзяржаўнай формы ўласнасці рэгулююцца ў адпаведнасці з сацыяльнай скіраванасцю гэтай паслугі», - адзначылі ў ведамстве.

Узровень кошту ў канкрэтным ВНУ залежыць ад структуры выдаткаў на платнае навучанне, якая фактычна склалася: ад атрыманай спецыяльнасці, кваліфікацыі, стажу працы прафесарска-выкладчыцкага складу і іншых педработнікаў, стану матэрыяльна-тэхнічнай базы. Установы адукацыі фарміруюць кошт платнага навучання па дзеючых для бюджэтных арганізацый нормах і нарматывах. Так, выдаткі па заработнай плаце ўключаюцца ў кошт па бюджэтных нормах з улікам індэксацыі ў адпаведнасці з заканадаўствам, па накладных і іншых выдаткх - з улікам павелічэння кшткаў і тарыфаў на работы (паслугі), у тым ліку камунальныя, паслугі транспарту, сувязі і іншыя.

Прыватныя ўстановы адукацыі фарміруюць кошт на платнае навучанне самастойна.