Уэрта дэ Сота падтрымаў палітвязня Фёдара Мірзаянава

Бацькі палітвязня Фёдара Мірзаянава атрымалі ліст падтрымкі ад аднаго з вядучых прадстаўнікоў аўстрыйскай эканамічнай школы прафесара Хесуса Уэрта дэ Сота Балестэра.

Даведаўшыся пра тое, што Фёдар з'яўляецца вязнем сумлення і церпіць за свае палітычныя погляды, навуковеу напісаў ліст ягоным бацькам, у якім паабяцаў, што вышле Фёдару ў калонію свае кнігі па эканоміцы, перакладзеныя на расейскую мову, перадае ucpb.org.

Уэрта дэ Сота - прафесар, доктар навук, адзін з вядучых прадстаўнікоў аўстрыйскай эканамічнай школы. Ён працуе на кафедры Эканамічнай палітыкі ў Універсітэце караля Хуана Карласа ў Мадрыдзе.

У бліжэйшы час маладога чалавека чакае знаёмства з новымі кнігамі па эканоміцы навукоўца з сусветным імем.