Бюджэтнікам і пенсіянерам дадуць па Br500 тысяч

Аднаразовая матэрыяльная дапамога ў памеры Br500 тыс. бюджэтнікам і непрацуючым пенсіянерам, як плануецца, будзе выплачаная ў трэцяй дэкадзе верасня.

Аб гэтым паведаміў БелТА намеснік прэм'ер-міністра Беларусі Анатоль Тозік.

Па ягоных словах, праект адпаведнага ўказа ў панядзелак перададзены ўрадам на разгляд Лукашэнку.

«Думаю, што гэтыя выплаты мы зможам здзейсніць у трэцяй дэкадзе верасня», - сказаў віцэ-прэм'ер.