20 гадоў таму бел-чырвона-белы сцяг стаў дзяржаўным

Так было да мая 1995 года.

19 верасня 1991 года пазачарговая сесія Вярхоўнага Савета БССР прыняла новую назву краіны - Рэспубліка Беларусь і зацвердзіла ў якасці дзяржаўных сімвалаў герб «Пагоня» і бел-чырвона-белы сцяг, паведамляе «Наша Ніва».

14 мая 1995 года большасць насельніцтва прагаласавала за вяртанне чырвона-зялёнага сцяга і герба, які ў народзе празвалі капустай. Праз некалькі дзён загадчык гаспадаркі лукашэнкаўскай адміністрацыі Іван Ціцянкоў узабраўся на будынак адміністрацыі Лукашэнкі і парваў бел-чырвона-белы сцяг, раздаючы на кавалках сцяга аўтографы.