Былы намеснік кіраўніка Цэнтрабанка РФ: Расея грошай не дасць, Еўропа не дасць

Дэвальвацыя беларускага рубля можа выратаваць эканоміку Беларусі толькі тады, калі Лукашэнка адмовіцца ад адміністратыўнага ціску на эканамічную сістэму.

Вядомы расейскі эксперт, былы запред старшыні Цэнтрабанка Сяргей Аляксашанка у інтэрв'ю «Эхо Москвы» пракаментаваў словы Лукашэнкі аб тым, што ён не збіраецца браць крэдыт у МВФ: «МВФ - гэта арганізацыя, якая дае грошы пад абавязальніцтвы нешта зрабіць. МВФ выдае грошы пад канкрэтную праграму, пад выкананне абавязальніцтваў. У прынцыпе, можна рабіць праграму стабілізацыі эканомікі без грошай МВФ. Проста гэта будзе даражэй, проста дэвальвацыя беларускага рубля будзе мацнейшай, бо крэдыты МВФ - гэта цвёрдая валюта. Таму адмовіцца можна. Але Расея грошай не дасць, Еўропа грошай не дасць і адзіны крэдытор, хто можа рэальна даць грошай сёння Беларусі - Міжнародны валютны фонд».