Польскі Сейм вылучыць Бяляцкага на Нобэлеўскую прэмію міру

На пятніцу запланаваная прэзентацыя афіцыйнай заявы дэпутатаў польскага Сейма па вылучэнні на Нобелеўскую прэмію міру беларускага праваабаронца Алеся Бяляцкага.

Подпісы пад заявай паставілі не толькі дэпутаты польскага парламента, але і яшчэ 27 краін-удзельніц Рады Еўропы, перадае «Радыё Свабода».

«Гэтая ідэя спадабалася калегам-дэпутатам і яны падчас апошняй сесіі ПАРЕ ў Страсбургу ахвотна пад ёй падпісваліся», - заявіў напярэдадні дэпутат Анджэй Галіцкі, кіраўнік польскай дэлегацыі ў ПАРЕ.

Па ягоных словах, у Польшчы «вялікі доўг» ў справе Бяляцкага і таму яна павінная заплаціць яго хоць бы такім чынам.

«Некалі еўрапейскія народы не пакінулі нас у абдымках рэжыму і тады жонка зняволенага Леха Валенсы атрымала Нобелеўскую прэмію міру. Гэта было прыгожа і сімвалічна, мабілізавала нас на барацьбу», - падкрэсліў польскі парламентарый.

Анджэй Галіцкі паведаміў таксама, што размаўляў аб падтрымцы кандыдатуры Бяляцкага з Лехам Валенсам, на «падтрымку якога можна разлічваць».