Залатыя запасы скараціліся на тры тоны

Залатыя рэзервы Нацбанка ўпершыню скараціліся ў гэтым годзе.

У верасні іх стала на 3 тоны менш.

Такая інфармацыя змяшчаецца ў дадзеных Нацбанка аб Міжнародных рэзервовых актывах і ліквіднасці Рэспублікі Беларусь па стане на 01.10.2012, піша onliner.by.

Калі ў жніўні 2012-га колькасць чыстых тройскіх унцый складае 1,4 млн, то ў верасні гэты лік знізіўся да 1,3 млн.

Нагадаем, што вага чыстай тройскай унцыі складае 31,1034768 грама. Такім чынам 100 тыс. чыстых тройскіх унцый складзе прыкладна 3,11 тоны. Менавіта на столькі палегчыліся залатыя запасы нашай краіны.