Далей - горш

У Менску памер дапамогі па беспрацоўі знізіўся да... 185,2 тысяч рублёў.

Сярэдні памер дапамогі па беспрацоўі ў сталіцы на 1 кастрычніка складаў 185,2 тысячы рублёў, паведамляе камітэт па працы, занятасці і сацыяльнай абароне Менгарвыканкама.

На 1 красавіка сярэдні памер дапамогі па беспрацоўі складаў 136,9 тыс. рублёў, на 1 траўня - 150,8 тыс. рублёў, на 1 чэрвеня - 181,4 тыс., на 1 ліпеня - 190,4 тыс. рублёў, на 1 жніўня - 190,7 тыс. рублёў, на 1 верасня - 232,5 тыс. рублёў.

Для параўнання: з 1 жніўня разліковая велічыня бюджэту пражытачнага мінімуму ў сярэднім на душу насельніцтва складае 843,9 тыс. рублёў у месяц. Дапамогу ў студзені-верасні атрымлівалі 5.197 беспрацоўных.