Узімку «двушка» абыйдзецца ў 240 тысяч рублёў

З прыходам халадоў жыроўкі беларусаў «пацяжэюць» за кошт дадання паслугі ацяплення.

Аднак аплочваць цяпло насельніцтва будзе пакуль па старых тарыфах - з 1 кастрычніка яны не павялічыліся. Колькі ж будзе каштаваць «камуналка»? Свой прагноз сёння даў намеснік міністра жыллёва-камунальнай гаспадаркі Беларусі Анатоль Шагун падчас анлайн-канферэнцыі на сайце БелТА.

- Натуральна, плаціць за ЖКП прыйдзецца больш, але толькі ў сувязі з тым, што дадасца тая паслуга, якая не прадастаўляецца ў цёплы час года, - адзначыў Анатоль Шагун. -

Сярэдні разлік паказвае, што ацяпленне стандартнай 2-пакаёвай кватэры 48 кв. м з трыма пражываючымі складае каля 75-80 тыс. беларускіх рублёў па дзеючым тарыфе у месяц. Гэта сярэднегадавая лічба за ацяпляльны сезон з улікам кліматычных асаблівасцяў Беларусі і асаблівасцяў жыллёвага фонду, у якім мы пражываем. Гэта складае каля 30-33% ад плацяжоў. 230-240 тыс. рублёў у месяц складзе аплата ЖКП за такую кватэру ў ацяпляльны перыяд.

Паводле слоў намесніка міністра, удзельная вага аплаты паслуг ЖКГ за стандартную 2-пакаёвую кватэру ў сукупным даходзе сям'і з трох чалавек, якія працуюць у рэальным сектары эканомікі, складае каля 2,8%, якія працуюць у бюджэтнай сферы - 3,5%, у сям'і з двух пенсіянераў - 6,2%.

- Сацыяльная нагрузка па аплаце ЖКП для насельніцтва не вельмі высокая, гэтыя лічбы не ніжэй сярэдніх, якія былі ў мінулыя гады, таму павелічэнне ўзроўню кампенсацыі насельніцтвам затрат - працэс непазбежны, - лічыць чыноўнік. - Аднак сказаць, калі і якім чынам адбудзецца гэта павелічэнне, мы пакуль не можам. У бягучым годзе і раней рашэнні аб росце тарыфаў на тыя ці іншыя паслугі прымаліся ўрадам, у першую чаргу зыходзячы з ацэнкі росту ўзроўню даходаў насельніцтва, больш за тое, у апошнія гады рост платы за жыллёва-камунальныя паслугі ад росту даходаў адстаў.