За нецвярозае кіраванне будуць канфіскоўваць аўто

Лукашэнка 8 кастрычніка ў ходзе рабочай сустрэчы з генеральным пракурорам Аляксандрам Канюком даручыў прапрацаваць пытанне аб узмацненні адказнасці нецвярозых кіроўцаў.

Пра гэта паведамляе БелТА са спасылкай на прэс-службу беларускага кіраўніка.

«Аляксандр Лукашэнка даручыў прапрацаваць пытанне аб узмацненні адказнасці за кіраванне транспартным сродкам у нецвярозым стане, - праінфармавалі ў прэс-службе. - У гэтым плане абмяркоўваюцца розныя меры, у тым ліку магчымасць канфіскацыі транспартных сродкаў».