Аўто ў нецвярозых усё ж будуць канфіскоўваць

Ідэя Лукашэнкі ўжо знайшла «грамадскую» падтрымку.

Пакаранне кіроўцаў, якія знаходзяцца за рулём аўтамабіля ў нецвярозым выглядзе, варта зрабіць больш жорсткім. Такое меркаванне выказаў БелТА намеснік генеральнага дырэктара асацыяцыі міжнародных аўтамабільных перавозчыкаў «БАМАП» Мікалай Верхавец.

«Відаць, мер, прадугледжаных заканадаўствам, сёння недастаткова», - лічыць спецыяліст. «Больш дакладна ацаніць ступень і від пакарання павінны адпаведныя органы, якія валодаюць статыстыкай колькасці ДТЗ, інфармацыяй аб наступствах», - дадаў ён.

«У мяне пазіцыя адназначная: кіраваць транспартным сродкам у стане алкагольнага ап'янення катэгарычна недапушчальна», - падкрэсліў Мікалай Верхавец. «Натуральна, калі хтосьці не ўспрымае гэтую норму, за гэтым павінны рушыць услед у сваім родзе выхаваўчыя санкцыі, якія б у далейшым выключылі магчымасць сесці за руль у нецвярозым стане», - упэўнены спецыяліст. На яго думку, любы разважны чалавек ведае, што сітуацыю, калі можна сесці за руль і перамяшчацца па населеным пункце або па-за яго ў п'яным выглядзе, дапусціць нельга.

8 кастрычніка падчас рабочай сустрэчы з генеральным пракурорам Аляксандрам Канюком, Аляксандр Лукашэнка даручыў прапрацаваць пытанне аб узмацненні адказнасці нецвярозых кіроўцаў. У гэтым плане абмяркоўваюцца розныя меры, у тым ліку магчымасць канфіскацыі транспартных сродкаў.