Знешняя дзяржпазыка пераваліла за $12 мільярдаў

Дзяржпазыка Беларусі, без уліку гарантаванай запазычанасці, на 1 кастрычніка 2012 года склала эквівалент Br121 трлн 713 млрд, павялічыўшыся з пачатку года на 4,6%.

Пра гэта сказана ў апублікаванай Белстатам справаздачы.

У верасні дзяржпазыка вырасла на 1,8% пасля павелічэння на 2,4% у жніўні і скарачэння на 1,4% у ліпені.

Павелічэнне дзяржаўнай пазыкі, у асноўным, абумоўлена ростам знешняй пазыкі.

Знешняя дзяржпазыка на 1 кастрычніка 2012 года склала $12 млрд 203,6 млн, павялічыўшыся з пачатку года на 3,4% (у верасні рост на 1,1% пасля павелічэння на 1% у жніўні). У адпаведнасці з законам аб бюджэце на 2012 год, ліміт знешняй дзяржпазыкі складае $14,3 млрд. У эквіваленце беларускага рубля, знешняя пазыка ўрада на справаздачную дату склала Br103 трлн 730,6 млрд, павялічыўшыся за 9 месяцаў на 5,3%.

Павелічэнне знешняй дзяржаўнай пазыкі ў 2012 годзе, у асноўным, абумоўлена прыцягненнем крэдытаў Сусветнага банка, АКФ ЕўрАзЭС і звязаных крэдытаў банкаў Кітая.

Унутраная дзяржаўная пазыка з пачатку 2012 года вырасла на 0,6%, да Br17,98 трлн на 1 кастрычніка 2012 года, пры ўстаноўленым ліміце Br34 трлн. Павелічэнне ўнутранай дзяржаўнай пазыкі ў 2012 годзе абумоўлена паслабленнем курсу беларускага рубля.

Паводле звестак Белстата, гарантаваная ўрадам пазыка на 1 кастрычніка склала эквівалент Br35,1 трлн, павялічыўшыся з пачатку года на 26,4% (у верасні рост на 1,3%). У тым ліку гарантаваная ўрадам унутраная пазыка склала Br20,07 трлн (рост за 9 месяцаў на 46,6%, у тым ліку на 2,1% у верасні), знешняя - $1 млрд 649,4 млн (рост на 3% за 9 месяцаў).

Сукупныя знешнія і ўнутраныя абавязацельствы дзяржавы (з улікам гарантый) на 1 кастрычніка 2012 года склалі эквівалент Br156 трлн 806 млрд у эквіваленце, павялічыўшыся за 9 месяцаў на 8,8% (у верасні рост на 1,7%). У тым ліку ўнутраныя абавязацельствы склалі Br39 трлн 55,2 млрд (рост на 9 месяцаў на 21,1%, у тым ліку на 1,3% за верасень), знешнія - $13 млрд 853 млн (рост на 9 месяцаў на 3,4 %, у тым ліку на 0,8% за верасень).

У 2011 годзе знешняя пазыка ўрада Беларусі вырасла на 24,4%, да $11 млрд 797,9 млн, унутраная - у 5,7 разы, да Br17,9 трлн.

Сукупныя знешнія і ўнутраныя абавязацельствы дзяржавы (з улікам гарантый) у 2011 годзе выраслі ў 3,8 разоў, да Br144 трлн 134,2 млрд (52,5% ВУП), за кошт амаль трохразовай дэвальвацыі беларускага рубля.