Салют для Мікалая Статкевіча
19- 20.12.2012, 10:57
У другую гадавіну Плошчы над магілёўскай турмой № 4, у якой утрымліваецца палітвязень, прагрымеў салют.
Неабыякавыя людзі і грамадскія актывісты такім чынам выказалі сваю падтрымку Мікалаю Статкевічу, які правёў за кратамі ўжо два гады, перадае «Белсат».
Мікалая Статкевіча затрымалі адразу пасля разгону масавай акцыі пратэсту супраць фальсіфікацый 19 снежня 2010 г. 26 траўня 2011 г. палітыка прысудзілі да 6 гадоў калоніі ўзмоцненага рэжыму.
Пасля шматлікіх правакацый, 12 студзеня 2012 г. яго перавялі са шклоўскай калоніі ў турму № 4 Магілёва.
