Сямашка ў Маскве вымольвае нафту

Беларуская дэлегацыя на чале з першым віцэ-прэм'ерам Уладзімірам Сямашкам працягвае ў Маскве перамовы па нафце.

Дэлегацыя разлічвае падпісаць нафтавы баланс на 2013 год у самы бліжэйшы час, паведаміла агенцтву «Інтэрфакс-Захад» крыніца ў профільным ведамстве.

«Беларуская дэлегацыя разлічвае ў самы бліжэйшы час падпісаць нафтаваы баланс на наступны год. У Менску зыходзяць з неабходнасці імпарту ў наступным годзе 23 млн тон нафты», - сказала крыніца.

Між тым, суразмоўца адзначыў, што «пакуль рана казаць аб канчатковым аб'ёме паставак нафты ў наступным годзе».

Як паведамлялася, Беларусь з кастрычніка вядзе напружаныя перамовы з урадам РФ аб аб'ёмах імпарту нафты ў 2013 годзе. У сярэдзіне лістапада Уладзімір Сямашка заявіў аб дасягненні дамоўленасці па пастаўцы 23 млн тон, аднак ўслед за гэтым расейскі бок пацвердзіў магчымасць пастаўкі толькі 18,5 млн тон. Прычым гэты аб'ём ўключае і «трубавую» і «колавую» нафту. Расейскі бок на ўзроўні Мінэнерга неаднаразова пацвярджаў сваю пазіцыю.

Перамовы ўскладненыя негатыўнай рэакцыяй Масквы на маштабны бязмытны рээкспарт ў першым паўгоддзі з тэрыторыі Беларусі расейскіх нафтапрадуктаў пад выглядам прадукцыі нафтахіміі. Афіцыйныя асобы РФ у сувязі з гэтым заяўлялі пра прэтэнзіі на $1,5 млрд у якасці кампенсацыі недаатрыманых экспартных пошлін.

Акрамя таго, расейскі бок падкрэслівае невыкананне Беларуссю сваіх балансавых абавязацельстваў па пастаўцы нафтапрадуктаў на расейскі рынак і неабходнасць загрузкі БТС-2.

Лукашэнка ў мінулую пятніцу заявіў аб дасягнутай дамоўленасці па пастаўцы ў наступным годзе ў Рэспублiкi 23 млн т нафты. «Нам трэба 23 млн тон, яны давалі 19 млн па балансе. Праўда, дамовіліся на 23 млн, нафту мы атрымаем без праблем», - заявіў Лукашэнка пасля сустрэчы з прэзідэнтам РФ Уладзімірам Пуціным, якая адбылася ў Маскве 19 снежня. Аднак гэтую інфармацыю абвергла Мінэнерга Расеі.

У адпаведнасці з балансам на 2012 год, Беларусь можа імпартаваць 21,5 млн. тон нафты, увесь аб'ём павінен быць пастаўлены трубаправодным транспартам. Аднак у чацвёртым квартале расейскі бок заявіў аб скарачэнні паставак, якія былі адноўленыя пасля перамоваў. Тым не менш, па выніках года аб'ём паставак, з улікам недапастаўкі ў кастрычніку больш за 1 млн тон, складзе каля 20,4 млн тон.