Нацыяналізацыя? «Залатую акцыю» ўвядуць у прыватных АТ

У Беларусі чакаецца ўвядзенне інстытута ўпаўнаважаных прадстаўнікоў дзяржавы ў АТ без дзярждолі.

Дзяржаўны камітэт па маёмасці (ДКМ) Беларусі падрыхтаваў праект указа аб ўладальніцкім наглядзе ў АТ, у тым ліку тых, дзе адсутнічае доля дзяржавы, паведамілі агенцтву «Інтэрфакс-Захад» у прэс-службе ДКМ.

Так, праект указа прадугледжвае магчымасць прызначэння дзяржавай упаўнаважаных прадстаўнікоў у акцыянерныя таварыствы, дзе доля дзяржавы адсутнічае. «Упаўнаважаны будзе абараняць правы мінарытарных акцыянераў, нашых грамадзян», - адзначыў прадстаўнік ДКМ. Ён удакладніў, што гаворка ідзе аб акцыянерных таварыствах, якія былі створаны на базе дзяржпрадпрыемстваў у працэсе прыватызацыі.

Праект указа ўнесены на разгляд ва ўрад.

Між тым, у ДКІ пакуль адмаўляюцца ад каментароў адносна шыраты паўнамоцтваў «упаўнаважанага». У прыватнасці, у ДКІ не каментуюць верагоднасць таго, што ўпаўнаважаны дзяржавы зможа аказваць уплыў на рашэнні выканаўчых органаў АТ.

У Беларусі падобны інстытут упаўнаважанага прадстаўніка дзяржавы раней існаваў як механізм практычнай рэалізацыі «залатой акцыі» - асаблівага права дзяржавы на кіраванне гаспадарчымі таварыствамі, у тым ліку тымі, у якіх дзяржаўная доля адсутнічала на момант прыняцця такога рашэння. «Залатая акцыя» дзейнічала ў Беларусі з 1997 года і была адменена ў сакавіку 2008 года, на падставе ўказу кіраўніка. Тады ўлады адзначалі, што адмена інстытута «залатой акцыі» будзе спрыяць стварэнню спрыяльных умоў для прыцягнення прамых замежных інвестыцый у рэальны сектар эканомікі Беларусі, а таксама павышэнню рэйтынгу Беларусі на міжнародным узроўні і абароне праў інвестараў на рынку каштоўных папер.

Як паведамлялася, Лукашэнка ў кастрычніку запатрабаваў ад урада зрабіць больш жорсткім кантроль за дзейнасцю гаспадарчых таварыстваў і падрыхтаваць адпаведны праект указа. Ён таксама выказаў незадаволенасць існуючай сістэмай дзяржаўных і прыватных інвестараў пры сумесным кіраванні акцыянернымі таварыствамі, сказаўшы, што «часам прадстаўнікі дзяржавы не толькі стульваюцца з прыватнымі інвестарамі, а становяцца інструментам у іх руках». У прыватнасці, каментуючы сітуацыю з АТ «Камунарка» і «Спартак», дзе пасля па яго прамому распараджэнні дзяржаўная доля была адноўлена з мінарытарнай да кантрольнай, Лукашэнка заявіў: «Назіральныя рады сталі інструментам у руках аднаго дзялца, і, думаю, не бясплатна».

Лукашэнка заявіў, што сістэма кіравання дзяржуласнасцю з'яўляецца дзейснай толькі ў тым выпадку, калі «акцыянерныя таварыствы вырашаюць агульнадзяржаўныя задачы, а не замыкаюцца на вузка-карпаратыўных інтарэсах».