На месцы спаленай вёскі пабудуюць фабрыку «Марка»

Віцебскія ўлады аддалі тэрыторыю былой вёскі Паўлавічы пад будаўніцтва скураной вытворчасці фірмы «Марка».

Як атрымалася высветліць, спаленая вёска, якая ўваходзіла калісьці ў Ноўкінскі сельскі савет, была афіцыйна адселеная яшчэ ў 1992 годзе, а людзям, якія пражывалі ў ёй тады, былі прадастаўленыя кватэры, піша «Ежедневник».

Зямля перайшла ў карыстанне РУП«Віцебскэнерга», якое мела намер на гэтай тэрыторыі пабудаваць ЦЭЦ для ацяплення жылых дамоў пасёлка Лучэса. Але, як распавялі ў «Віцебскэнерга», у той час праект забуксаваў з-за адсутнасці фінансавання, а пасля ад ажыццяўлення старых планаў вырашана было і зусім адмовіцца. Былі павялічаныя магутнасці ўжо існуючых ЦЭЦ. А вёска Паўлавічы, якая перастала існаваць дэ-юрэ, працягвала жыць па сваіх законах. Былыя гаспадары не спяшаліся разбіраць дома і выкарыстоўвалі іх як дачныя ўчасткі. Некаторыя, пакінуўшы ў кватэрах дзяцей і ўнукаў, заставаліся жыць у Паўлавічах. Хтосьці прымудрыўся прадаць свае дамы пад знос, а пакупнікі выкарыстоўвалі іх у якасці дачы. Добра, «Віцебскэнерга» нават не папрацавалі, каб адключыць электразабеспячэнне. Людзі саджалі агароды, вырошчвалі гародніну і садавіну, і нават перыядычна пісалі скаргі ў органы ўлады, што тыя зусім забыліся пра іх. РУП «Віцебскэнерга» у сваю чаргу спраўна плаціла зямельны падатак і перыядычна рабіла спробы пазбавіцца ад непатрэбнага актыву. Зараз гэтая падстава і прадставілася.

У «Віцебскэнерга» пацвердзілі, што гарадскія ўлады пагадзіліся ўзяць землі былой вёскі Паўлавічы пад рэалізацыю інвестпраекта. Але, як у такіх выпадках прадугледжана, без усялякіх пабудоў. У якасці аптымальнага, найменш выдатковага, варыянту зносу пабудоў вырашана было іх спаліць. У былую вёску Паўлавічы прыбыла тэхніка РУП «Віцебскэнерга». Па сцвярджэнні спецыялістаў «Віцебскэнерга», людзі, якія пражывалі там незаконна, былі папярэджаныя аб магчымым зыходзе яшчэ ўлетку. Больш за тое, людзям пайшлі насустрач і далі магчымасць прыбраць ураджай.

Першы намеснік кіраўніка адміністрацыі Першамайскага раёна Віцебска Міхаіл Атаеў пацвердзіў гэтую інфармацыю і паведаміў, што на месцы былой вёскі Паўлавічы плануецца пабудаваць скураную вытворчасць СТАА «Марка».