Стаўка рэфінансавання Нацбанка - 43% гадавых

15 лютага Нацыянальны банк Беларусі знізіў яе на 2 адсоткавыя пункты.

Як тлумачыць упраўленне інфармацыі Нацбанка, у апошнія месяцы назіраюцца «ўстойлівыя пазітыўныя тэндэнцыі ў эканоміцы і грашова-крэдытнай сферы».

Памяншэнне стаўкі рэфінансавання закліканае знізіць крэдытную нагрузку на пазычальнікаў.

Далейшая дынаміка стаўкі рэфінансавання будзе залежаць ад сітуацыі ў грашова-крэдытнай сферы і эканоміцы ў цэлым.

На працягу 2011 года стаўка рэфінансавання павышалася 12 разоў, апошні раз - 12 снежня, з 40 да 45% гадавых.