Распіл на «Еўрафэсце»? (Фота)
59- 16.02.2012, 13:15
Кошт узнагароды пераможцу адборачнага конкурсу для ўдзелу ў «Еўрабачанні» можа быць завышаны ў 3 разы.
Нагадаем, што нядаўна кіраўнік «Еўрафэсту» Аляксандр Ціхановіч дэманстраваў усім узнагароду - крыштальны птушку - і казаў, што яна зробленая па спецзамове ў Swarovski і каштуе 3000 еўра.
Грамадскі актывіст Андрэй Абозаў паведаміў, што ў краме дадзенай фірмы ў Таліне звярнуў увагу на вельмі падобных птушачак. Іх кошт не перавышаў 1000 еўра. На сайце ж Swarovski такая ж птушка-прыз з «Еўрафэсту» каштуе 705 еўра (950 даляраў). Прычым, адзначае Абозаў, яна там у распродажы, бо паходзіць з калекцыі 2009 года...
Эксклюзівам і замовай нават не патыхае.
