Карл Більт: Без вострых санкцый мы будзем выглядаць слабымі

Згадаў пра беларускае пытанне падчас прыбыцця на нараду міністраў замежных спраў краін ЕЗ у Брусэлі і кіраўнік шведскага МЗС Карл Більт.

Па ягоных словах, дыскусіі ў Камітэце сталых прадстаўнікоў (COREPER) працягваюцца, перадае «Еўрарадыё».

«У Беларусі ўзмацняюцца рэпрэсіі, і мы хочам завастрыць нашыя сродкі, без гэтага мы будзем выглядаць слабымі. Мы хочам вострых санкцый. Без іх нашыя словы будуць выглядаць пустымі, вострыя санкцыі проста неабходныя. Калі мы не прымем санкцыі цяпер, то мы можам прыняць рашэнне і ў наступным месяцы», - сказаў кіраўнік шведскага МЗС.