«Беларуская мара» атрымала прыз у Жэневе
10- 12.03.2012, 13:52
Дакументальны фільм «Беларуская мара», прысвечаны прэзідэнцкім выбарам 2010 года, атрымаў узнагароду на 10-м Міжнародным кінафестывалі ў Жэневе.
Прыз яму прысудзіла Сусветная арганізацыя супраць катаванняў, перадае «Радыё Свабода».
Крытыкі адзначаюць, што аўтарцы стужкі, рэпарцёрцы Першага расейскага тэлеканала Кацярыне Кібальчыч, атрымалася паказаць палітычную атмасферу ў Беларусі праз прызму жыцця канкрэтнага чалавека, прадстаўніка цэлага пакалення, якое вырасла пры Аляксандры Лукашэнку.
«Беларуская мара» значыцца таксама ў праграме 14-га Міжнароднага фестывалю дакументальных фільмаў па правах чалавека «One World» ў Празе, які праходзіць у чэшскай сталіцы 6-15 сакавіка.
