Жыхары Познані напісалі беларускім палітвязням (Фота)
- 26.03.2012, 13:16
Студэнты-палітолагі Познаньскага універсітэта 25 сакавіка арганізавалі акцыю па зборы лістоў палітвязням Беларусі.
Па словах маладых людзей, большасць людзей ахвотна згаджаліся і пісалі некалькі радкоў падтрымкі і салідарнасці. Было сабрана 25 такіх лістоў, піша ПЦ «Вясна».
«Лістоў было сабрана не шмат, але мы ведаем, што кожнае слова важнае і неабходнае», - заўважае Арцём Ткачук, адзін з ініцыятараў акцыі.
Важна падкрэсліць, што справа не скончылася толькі на напісанні ліста - студэнты мелі зносіны з мінакамі, распавядалі аб праблеме смяротнага пакарання ў Беларусі і пра палітвязняў.
