МУС спрабуе адхрысціцца ад спісу «невыязных»

Ніякага пашырэння спісу грамадзянаў Беларусі, якім абмежаваны выезд з краіны, нібыта не было.

Пра гэта заявіў агенцтву «Інтэрфакс-Захад» у ходзе прамой тэлефоннай лініі намеснік начальніка дэпартамента па грамадзянстве і міграцыі МУС Беларусі Юрый Лянчэўскі.

«Законам аб уездзе-выездзе усе падставы выразна прапісаныя, выразна прапісана, каму можа быць абмежаваны выезд. Ніякага пашырэння, у сувязі з новымі палітычнымі і іншымі матывамі, не было», - падкрэсліў Ю.Лянчэўскі.

Намеснік начальніка дэпартамента таксама падкрэсліў, што «ніхто грамадзянам, якім выезд з краіны абмежаваны, апавяшчэнняў не накіроўвае». «Грамадзяне маюць права звярнуцца ў нашыя падпаддзяленні. На дзень звароту яму могуць даць даведку, ці ёсць на яго інфармацыя ў базе дадзеных, або няма. Але гэта не з'яўляецца індульгенцыяй, каб перасекчы мяжу. Пакуль чалавек дасягае мяжы, звесткі могуць паступіць, а памежнікі кіруюцца выключна электронным банкам дадзеных, а не даведкамі», - растлумачыў суразмоўца агенцтва.

Адказваючы на ​​пытанне, ці магчымае памылковае ўнясенне ў банк дадзеных, да прыкладу, 40-гадовых грамадзянаў, якія нібыта ўхіляюцца ад прызыву, Ю.Лянчэўскі прызнаў, што «бывае чалавечы фактар, калі памылкова ўнеслі звесткі». «Непрыемна, вядома, людзі маюць маральную і матэрыяльную шкоду. Гэта індывідуальныя выпадкі, досыць рэдкія. Мы разбіраемся па кожнай канкрэтнай нагодзе», - паведаміў намеснік начальніка дэпартамента па грамадзянстве і міграцыі МУС Беларусі.

Нагадаем, за апошні час шэрагу апазіцыйных палітыкаў, журналістаў і праваабаронцаў быў забаронены выезд за межы Беларусі.