Севярынец: Вызвалення пакуль не чакаю (Відэа)

19 красавіка прайшла палова тэрміну, якім за Плошчу пакаралі Паўла Севярынца (3 гады «хіміі»).

Цяпер сустаршыня стваранай партыі Беларускай хрысціянскай дэмакратыі можа разлічваць на ўмоўна-датэрміновае вызваленне.

«Радыё Свабода» наведала Паўла Севярынца ў вёсцы Куплін Пружанскага раёна Брэсцкай вобласці, дзе ён адбывае пакаранне на «хіміі».

«Вызвалення пакуль не чакаю, бо ў нас працуе не закон, а загады. Загад цяпер такі - трымаць тых, хто не падпісаў прашэнне аб памілаванні там, дзе яны ёсць. Але, дзякуй Богу, мне значна лягчэй, чым тым, хто ў турме. Верагодна, мяне вызваляць праз месяц-паўтара. Але я наладжаны сядзець. Калі трэба, то і да званка, як кажуць», - заявіў Павел Севярынец.