Менчукам распавялі пра галадоўку Каваленкі (Фота)

Улёткі ў падтрымку палітвязня Сяргея Каваленкі з'явіліся ў Менску.

На ўлётцы побач з фотаздымкам Сяргея Каваленкі размешчаная выява бел-чырвона-белага сцяга са словамі Францішка Багушэвіча «Не пакідайце ж мовы нашай беларускай, каб ня ўмёрлі», паведамляе «Радыё Свабода».

«Сяргей Каваленка - працоўны-будаўнік, 37 гадоў. Гадуе двух сыноў: сямі месяцаў і сямі гадоў. Яго незаконна асудзілі на два гады турмы за тое, што ён вывесіў нацыянальны бел-чырвона-белы сцяг на 40-метровай гарадской навагодняй ёлцы ў Віцебску. У знак пратэсту Сяргей абвясціў галадоўку з патрабаваннем адмяніць фальшывы палітычны прысуд. Беларусы, патрабуйце вызвалення нашага героя-земляка», - напісана ва ўлётцы.