«Камуналка» падаражэе ў 2 разы

Міністр жыллёва-камунальнай гаспадаркі Андрэй Шарэц заявіў, што ў бліжэйшы час паслугі ЖКГ падаражэюць больш чым удвая.

Паводле яго, у канцы мінулага года насельніцтва плаціла толькі 16,6% ад рэальнага кошту паслуг ЖКГ. Аднак у гэтым годзе прадугледжаны ўжо 35-адсоткавы ўзровень кампенсацыі насельніцтвам выдаткаў.

«Ёсць праграма сацыяльна-эканамічнага развіцця Беларусі, якой прадугледжанае давядзенне гэтага паказчыка да 60%, па асобных паслугах - да 100% (гэта значыць цяпло працягне датавацца, а вываз смецця, вада, каналізацыя выйдуць на 100-адсоткавы ўзровень кампенсацыі выдаткаў», - распавёў на прамой лініі ў газеце «Рэспублiка» Андрэй Шарэц.