КДБ заняўся газавымі катламі

КДБ выявіў групу камерсантаў, якія незаконна перавозілі праз мяжу газавыя катлы.

«Супрацоўнікамі КДБ выкрыты механізм супрацьпраўных паставак на тэрыторыю рэспублікі газавых катлоў італьянскай вытворчасці, якія, з парушэннем падатковага заканадаўства, ажыццяўляла адна са сталічных камерцыйных фірм», - паведамілі агенцтву «Інтэрфакс» у пятніцу ў цэнтры інфармацыі і грамадскіх сувязяў КДБ Беларусі.

«З мэтай памяншэння сумы падаткаў на абсталяванне, якое ўвозіцца, у мытнай дэкларацыі работнікамі фірмы паказваўся прыніжаны кошт газавых катлоў, што дазваляла ў разы знізіць мытныя плацяжы», - адзначылі ў ЦІГС.

«Злачынная дзейнасць ажыццяўлялася кіраўнікамі камерцыйнай фірмы на працягу 2006-2012 гадоў. Рэальны закупачны кошт катлоў, якія ўвозіліся, складае ад 300 да 500 еўра за адзінку. Заніжэнне да 120 еўра дазваляла ў 2,5-3 разы зменшыць падатковыя плацяжы пры мытным афармленні» , - падкрэслілі ў КДБ.

«Апошняя пастаўка 420 катлоў італьянскай вытворчасці ажыццёўленая фірмай 19 мая 2012 года», удакладнілі там.

«Па выніках праверкі дзейнасці фірмы, інспекцыяй МПЗ па Менскай вобласці арыштаваныя таварна-матэрыяльныя каштоўнасці на суму Br478 млн. Усталяваныя факты рэалізацыі тавараў, агульная сума выручкі якіх склала Br 1622,9 млн, без суправаджальных дакументаў», - адзначылі ў КДБ

У цяперашні час КДБ праводзіць комплекс неадкладных мерапрыемстваў, па выніках якіх будзе прынятае рашэнне аб прымяненнi мер адказнасці, у тым ліку за незаконную прадпрымальніцкую дзейнасць.