Козік нарэшце занепакоіўся ростам коштаў

Старшыня афіцыйных прафсаюзаў Леанід Козік выступіў сёння з дакладам перад Аляксандрам Лукашэнкам.

Галоўны прафбос Беларусі далажыў пра тое, чым жывуць працоўныя калектывы і як ідзе падрыхтоўка да летняга аздараўлення.

Паводле Козіка, прафсаюзы занепакоеныя тым, што рост коштаў часам апярэджвае рост прыбыткаў. «І гэта няправільна, бо ёсць катэгорыя людзей, якія жывуць толькі на прыбыткі, і яны ў іх не вельмі вялікія. І ў гэтым плане я сказаў, што Федэрацыя прафсаюзаў заўсёды будзе адмоўна ставіцца да такіх рашэннях ўрада», - распавёў Козік тэлеканалу СТВ.

«Лукашэнка даручыў мне яшчэ больш увагі надаць прафсаюзам. Я распавёў, як ідзе падрыхтоўка дзіцячых аздараўленчых лагераў да летняга сезона, пра тое, як працуюць санаторыі, пра тое, што мы павялічылі для сябраў ФПБ з 15 да 20% у гэтым годзе на пуцёўкі. І гэта дае магчымасць лепш адпачыць нашым грамадзянам», - адзначыў кіраўнік ФПБ.