Суд адмовіўся аднавіць на працы прафсаюзнага лідара «Граніту»

Аднавіць прафсаюзнага лідара паспрабавала Беларуская канфедэрацыя дэмакратычных прафсаюзаў.

Арганізацыя прасіла адмяніць рашэнне Лунінецкага раённага суда ад 11 кастрычніка, паведамляе «Еўрарадыё». Той суд прызнаў, што прафсаюзны лідар быў звольнены з прадпрыемства «Граніт» па законе. На думку кіраўніка БКДП Аляксандра Ярашука, гэты прысуд супярэчыць законам:

- Іншага і не чакалася. Беларусь упарта хоча даказаць усяму свету, што можна жыць у стане беззаконня, прававога нігілізму, ігнаруючы уласныя Канстытуцыю і законы, а таксама Канвенцыі Міжнароднай арганізацыі працы, якія ратыфікаваныя краінай і якія напрамую адносяцца да таго, што сёння разглядалася і да таго, што разглядалася Лунінецкім раённым судом.

Нагадаем, Лунінецкі райсуд прызнаў правільным звальненне кіроўца Алега Стахаевіча пасля таго, як яго пры нявысветленых абставінах пазбавілі правоў. Суд таксама палічыў, што Стахаевіч з ягоным дыпломам горнага майстра не можа працаваць памочнікам машыніста свідравой устаноўкі.

Па словах Ярашука, 4 чэрвеня ён накіроўваецца ў Жэневу. У Міжнароднай арганізацыі працы, кажа прафсаюзны лідар, будзе разглядацца беларускае справа.