Актывіста «Гавары праўду» затрымалі перад флэш-мобам

Каля 13-00 ў раёне вуліцы Няміга быў затрыманы актывіст моладзевага крыла «Гавары праўду» - «Zмена» Аляксандр Арцыбашаў.

Гэта здарылася перад пачаткам чарговага палітычнага флэш-мобу «Мы прыйшлі, каб нас ізноў пасадзілі» з удзелам плюшавых цацак, паведамляе прэс-служба «Гавары праўду».

Аднак, па іроніі лёсу, «пасадзілі» Аляксандра, які ўжо неаднаразова падвяргаўся ў гэтым годзе адміністрацыйным арыштам. Па словах відавочцаў, затрыманне здзейсніў чалавек у цывільным.

Як сцвярджаюць ягоныя таварышы, Аляксандр, магчыма, знаходзіцца ў дадзены момант у Цэнтральным РУУС сталіцы.