Amnesty International назвала Пачобута вязнем сумлення

Міжнародная праваабарончая арганізацыя запатрабавала вызваліць журналіста.

«Журналіст Анджэй Пачобут знаходзіцца пад пагрозай турэмнага зняволення на тэрмін да пяці гадоў за крытыку прэзідэнта Беларусі. Ён з'яўляецца вязнем сумлення і арыштаваны ў сувязі з ажыццяўленнем свайго права на свабоду выказвання меркаванняў», - гаворыцца ў тэрміновым заяве міжнароднай праваабарончай арганізацыі Amnesty International (пераклад - ПЦ «Вясна»).

«Карэспандэнт польскай газеты Gazeta Wyborcza і выбітны актывіст польскай меншасці ў Беларусі Анджэй Пачобут быў арыштаваны 21 чэрвеня ў сваёй кватэры ў заходнебеларускім горадзе Гродна. Яго абвінавачваюць у «паклёпе на Прэзідэнта» паводле Артыкула 367 (2) Крымінальнага кодэкса Рэспублікі Беларусь у сувязі з публікацыяй артыкулаў у беларусіх незалежных СМІ. Афіцыйнае абвінавачванне, між тым, яшчэ не прад’яўленае. Ён можа быць зняволены на тэрмін да пяці гадоў.

У сваіх атрыкулах Анджэй Пачобут крытыкаваў судовы працэс і вырак у справе Уладзіслава Кавалёва і Дзмітрыя Канавалава, якія былі расстраляныя ў сакавіку 2012 года ў сувязі з серыяй тэрарыстычных актаў у Беларусі. Ён таксама выступіў з крытыкай пазіцыі Прэзідэнта Лукашэнкі ў дачыненні да Еўрапейскага Звяза і рэакцыі беларускіх уладаў на хвалю «маўклівых пратэстаў» у краіне.

21 чэрвеня ў ягонай кватэры быў праведзены ператрус, у выніку чаго ягоны камп’ютар і дакументы былі канфіскаваныя. У сакавіку 2011 года Анджэй Пачобут быў абвінавачаны ў «абразе Прэзідэнта» і «паклёпе на Прэзідэнта» ў сувязі з публікацыяй артыкулаў у Gazeta Wyborcza. 5 ліпеня 2011 года ён атрымаў тры гады зняволення з адтэрміноўкай выканання пакарання.

Amnesty International лічыць арышт Анджэя Пачобута з’яўляецца часткай працяглай кампаніі пераследу актывістаў грамадзянскай супольнасці і журналістаў з боку беларускіх уладаў. Пасля прэзідэнцкіх выбараў у снежні 2010 года, адбылося безпрэцэдэнтнае паграшэнне сітуацыі з правамі чалавека ў краіне. Вядучыя апазіцыйныя дзеячы былі затрыманыя і асуджаныя ў выніку несправядлівых судовых пасяджэнняў. НДА, актывісты грамадзянскай супольнасці і журналісты па-ранейшаму зазанаюць пераслед у сувязі з крытыкай уладаў», — гаворыцца ў заяве.

Amnesty International звяртаецца да ўсіх зацікаўленых асобаў і арганізацыяў з заклікам звяртацца да беларускіх уладаў, патрабуючы «неадкладнага і безумоўнага вызвалення Анджэя Пачобута», а таксама «забеспячэння гарантыяў на свабоду выказвання меркаванняў у адаведнасці з міжнароднымі абавязальніцтвамі ў галіне правоў чалавека».