Лазавік парушэнняў не ўбачыў

На думку сакратара ЦВК, фарміраванне акруговых выбарчых камісій прайшло «празрыста».

Мікалай Лазавік заклікаў правесці фарміраванне ўчастковых выбарчых камісій таксама, як і фарміраванне акруговых выбаркамаў па выбарах дэпутатаў Палаты прадстаўнікоў пятага склікання.

Сёння ў Віцебску з яго удзелам прайшоў семінар са старшынямі, іх намеснікамі і сакратарамі акруговых выбарчых камісій вобласці, а таксама з намеснікамі старшыняў раённых і гарадскіх выканкамаў, перадае БелТА.

Фарміраванне акруговых выбарчых камісій ва ўсіх абласцях краіны завершана і, на думку Мікалая Лазавіка, прайшло празрыста. «Фарміраванне акруговых выбарчых камісій правялі ўсе вобласці. Адкрыта абмеркавалі кандыдатуры ў склад камісій і прынялі рашэнне», - канстатаваў сакратар Цэнтрвыбаркама. Ён настойліва рэкамендаваў такім жа шляхам - з запрашэннем усіх зацікаўленых асоб, адкрыта і празрыста ў адпаведнасці з выбарчым заканадаўствам правесці фарміраванне ўчастковых выбарчых камісій. Гэты этап выбарчай кампаніі павінен завяршыцца не пазней за 8 жніўня ўключна. Вылучаць кандыдатаў у члены камісіі могуць грамадскія аб'яднанні, партыі, працоўныя калектывы, а таксама грамадзяне шляхам падачы заяў.

На навучальным семінары ў Віцебску Мікалай Лазавік пазнаёміў удзельнікаў акруговых выбаркамаў з навінамі выбарчага заканадаўства, пракаментаваў усе этапы працы акруговай і ўчастковых камісій і адказаў на пытанні.

Серыя навучальных семінараў для ўдзельнікаў выбарчых камісій пройдзе ва ўсіх абласцях. «Сёння мы рыхтуемся да наступнага этапа выбарчай кампаніі - рэгістрацыі ініцыятыўных груп, вылучэння кандыдатаў у дэпутаты і самага цікавага - агітацыйныга этапа», - сказаў Мікалай Лазавік.

Як паведамляў сайт charter97.org, у акруговыя выбарчыя камісіі ў Беларусі ўключана 48 прадстаўнікоў апазіцыйных палітычных партый.