Неўяздныя ў ЕЗ Ярмошына і Лазавік едуць у Аўстрыю

Кіраўнікоў ЦВК, якія фальсіфікуюць усе выбары ў Беларусі, запрасілі на канферэнцыю АБСЕ.

Як паведаміла сайту charter97.org крыніца, Лідзія Ярмошына і Мікалай Лазавік атрымалі візы для ўдзелу ў Дадатковай нарадзе па чалавечым вымярэнні на тэму выбараў на наступным тыдні (12-13 ліпеня) ў Вене.

Нагадаем, што ўсе выбарчыя кампаніі, якія праходзяць у Беларусі з 1996 года, былі прызнаныя АБСЕ несвабоднымі і несправядлівымі. За гэта старшыні Цэнтрвыбаркама Лідзіі Ярмошынай і сакратару ЦВК Мікалаю Лазавіку забаронены ўезд у краіны Еўразвяза і ЗША.